सुदखोरबाट ठगिएका पीडितले बालुवाटारमा प्रदर्शन गरेका छन् । गएराति खुलामञ्चको गेटअगाडिको सडकमै रात काटेका पीडितहरु बिहानै बालुवाटार पुगे । हातमा मिटर व्याजविरुद्ध कानून निर्माण गर, तमसुक व्यवस्था खारेज गर,मिटरव्याजीलाई कारबाही गर लगायतका नारा लेखिएका प्लेकार्ड बोकेर उनीहरु प्रदर्शनमा सहभागी छन् । बालुवाटार क्षेत्रमा अहिले सुरक्षा वयवस्था कडा पारिएको छ । धनुषा, सिराहा, महोत्तरी, सर्लाहीबाट साहुकारले उठीवास लगाएका पीडितहरू बर्दिबास, पथलैया, हेटौँडा, भीमफेदी, चित्लाङ हुँदै पैदललै काठमाडौं आइपुगेका हुन् ।