Incident Reports

खेलकुद समिति कञ्चनपुरमा तालाबन्दी 

2023-04-25

जापान कराँते डो कोसिकाई सिरोरिया संघ नेपालले जिल्ला खेलकुद विकास समितिको कार्यालय प्रमुखको कार्यकक्षमा तालाबन्दी गरेको छ। कभर्डहलमा कार्यालयका लागि कोठा उपलब्ध गराउन माग गर्दै संघले मंगलबार कार्यालय प्रमुख गोपाल भट्टको कार्यकक्षसहित कभर्डहलमा तालाबन्दी गरेको हो।

संघका कञ्चनपुर अध्यक्ष दीपेन्द्र विष्टले हस्ताक्षर गरेको प्रेस नोटमा संघको अफिस प्रयोजनका लागि पटक-पटक कोठा माग्दासमेत बेवास्ता गरेकाले बाध्य भएर तालाबन्दी गरिएको उल्लेख छ। कोठाका लागि २४ घन्टे अल्टिमेटम दिँदासमेत कुनै वास्ता नगरेपछि बाध्य भएर अनिश्चितकालका लागि तालाबन्दी गरिएको बताइएको छ।

तालबन्दीका कारण दैनिक प्रशासनिक कामकाज प्रभावित भएको छ। जिल्ला खेलकुद समिति कञ्चनपुरका कार्यालय प्रमुख गोपाल भट्टले कोठा नै नभएको अवस्थामा दिन समस्या भएको बताए। उनका अनुसार अन्य विधाका खेलकुदसमेत कोठाबिनै सञ्चालनमा छन्। जिल्ला खेलकुद समिति कञ्चनपुरका अध्यक्ष कुवेर खड्काले तालाबन्दीको विषयमा सम्बन्धित पक्षसँग छलफल गरेर अघि बढ्ने बताए।

 

Details and Impacts
Violent / Non-violent Nonviolent
Primary Form Gherau/Dharna (sit-in)/padlocking
Primary Cause Other governance issues
Actor 1 - Number of people n/a
Actor 1 - Affiliations Citizen/Individuals
Actor 1 - Youth na
Actor 2 - Number of people n/a
Actor 2 - Affiliation (Target) Government and civil servants at central level
Actor 2 - Youth na
National/Online Media

0 Comments