लाङटाङ राष्ट्रिय निकुञ्ज कर्मचारीहरू माथि भोर्ले गाविस -१ का एनेकपा माओवादी निकटका कार्यकर्ता समेत रहेका घोर्मु प्रावि यार्साका शिक्षक विष्णु पौडेलले ०७१ माघ १७ गते मार्ने धम्की दिएका छन् । विभिन्न समुदायमा निकुञ्जको मध्यवर्ती समूह समिति पुनः गठन गर्ने क्रममा भोर्ले गाविस-१ जिबजिबेमा निकुञ्ज कर्मचारीहरूले पक्षपात पूर्णतवरले समूह गठन गर्न लागेको भन्दै पौडेलले गाली गर्दै मार्ने धम्की दिएका हुन् । निकुञ्जका कर्मचारी सिनियर गेम स्काउट नुवाकोट जिल्ला थानापती गाविस -५ का ४५ वर्षीय केशवराज भेटवाल समेतको टिममाथि एमाओवादी कार्यकर्ता पौडेलले पूर्व सभासद् धैबुङ् गाविस -६ का ३७ वर्षीय प्रेमहादुर तामाङ समेतको उक्साहटमा निकुञ्ज कर्मचारीहरूमाथि अपशब्दले गाली गरी मार्ने धम्की दिएको निकुञ्जले जनाएको छ । आरोपितले भने पक्षपात पूर्ण तवरले समूह पुर्नगठन गर्न लागेकाले विवाद भएको बताए । हेमनाथ खतिवडा