Chhatra Rimal म्याङलुङ्ग नपा -१२ बस्ने ३५ वर्षीय डोलेश्वर रेग्मीलाई ०७१ फागुन १ गते प्रहरीले ठगी गरेको आरोपमा गिरफ्तार गरी प्रहरी हिरासतमा यातना दिएर घाइते बनाएको परिवारले आरोप लगाएको छ । प्रहरीले गिरफ्तार गर्दा शारीरिक र मानसिकरूपमा सवल भएका आरोपित रेग्मी हिरासतमा बसेका तीन दिनदेखि अवस्था नाजुक बनेको र जिल्ला अस्पतालमा उपचारका लागि लगिएको भए पनि अवस्था चिन्ताजनक भएको भनी परिवारले उपचारकालागि पहल गरिदिन इन्सेक जिल्ला प्रतिनिधिलाई अनुरोध गरेका छन् । खाना खान र बोल्नसमेत नसक्ने अवस्थामा प्रहरीले फागुन ६ गतेदेखि जिल्ला अस्पतालमा भर्ना गरेर उपचार गराएको छ । सहायक प्रमुख जिल्ला अधिकारी जयराम श्रेष्ठले आरोपितको अवस्था हेरेर उपचारको प्रबन्ध गरिने बताए । छत्र रिमाल