विधानको मस्यौदामा सुझाव संकलनको लागि नुवाकोटको क्षेत्र नम्बर २ को खैरेनीटारमा जाने क्रममा अर्थमन्त्री रामशरण महतसहितको सभासद टोलीलाई अज्ञात समूहले अवरोधको प्रयास गरेको छ । खैरेनीटार जाने क्रममा ढुकुरे बजारमा अज्ञात व्यक्तिहरुले अर्थमन्त्री महतसहितको टोलीलाई अवरोध पुर्‍याउने गरी सुतली बम फालेको आशंका गरिएको छ । नुवाकोटका प्रमुख जिल्ला अधिकारी उमेशकुमार ढकालले सूर्यमति र खानीगाउँ जोड्ने पादी खोला पुल पार्न गर्न लाग्दा अज्ञात व्यक्तिहरुले डाँडाबाट सुतली फालेको र सडकमा झरिसकेपछि सुतलीमा आगो लागेको जानकारी दिए । सुरक्षा निकायले अर्थमन्त्रीलाई अवरोध गर्ने गरी सुतली बम फालिएको हुनसक्ने आशंका गरेका छन् । घटनामा संलग्नको पहिचान हुन नसकेको प्रहरीले जनाएको छ ।