प्रादेशिक सीमाङ्कनको विरोधमा विगत ११ दिनदेखि आन्दोलनरत संयुक्त लोकतान्त्रिक मधेसी मोर्चाका कार्यकर्ताले भदौ ८ गते बिहान ५ बजेतिर जलेश्वर नगरपालिका- ५ को मटिहानी चोक र वडा नं. १४ बखरी चोकमा रहेको प्रहरी बिटमा आगजनी गरेका छन् । आगजनीका कारण दुवै बिट जलेर नष्ट भएका छन् । आन्दोलनकारीले जलेश्वरको दुई ओटा प्रहरी बिटमा आगजनी गरेपछि अहिले जलेश्वरको अन्य चोकमा स्थानीय प्रशासनले प्रहरी परिचालन गरेको छ । प्रदर्शनकारीले ठाउँ ठाउँमा बिहानैदेखि प्रदर्शन गरिरहेका छन् । यसअघि आन्दोलनकारीकारीहरूले भदौ ६ गते महिला तथा बालबालिका कार्यालय र भदौ ७ गते घरेलु तथा साना उद्योग कार्यालय महोत्तरीमा तोडफोड गरेर लाखौँ रुपियाँ बराबरको क्षति पुर्‍याएका थिए ।