संयुक्त लोकतान्त्रिक मधेशी मोर्चाले आह्वान गरेको बन्दका क्रममा भैरहवामा भएको झडपमा घाइते भएका कमहरिया गाविस-३ का २३ वर्षीय दुर्गेश यादवको भदौ ८ गते मृत्यु भएको छ । उनी भदौ ४ गते घाइते भएका थिए । स्थानीय अस्पतालमा उपचार हुन नसकेपछि उनलाई थप उपचारका लागि भदौ ५ गते काठमाडौँ पठाइएको थियो । घाइते भएका उनलाई भैरहवास्थित मेडिकल कलेजबाट काठमाडौं रिफर गरिएको थियो । उपचारकै क्रममा उनको क्रममा मृत्यु भएको रुपन्देहीका प्रहरी उपरिक्षक राजेन्द्र ढकालले जानकारी दिए । जिल्ला प्रहरी कार्यालय रुपन्देहीका अनुसार उनको काठमाडौंको जोरपाटीस्थित मेडिकल कलेजमा उपचार भइरहेको थियो ।