मुलुकका विभिन्न ठाउँहरुमा भइरहेका आन्दोलनले हिंसात्मक रुप लिएपछि खोटाङको जिल्ला सदरमुकाममा शुक्रबार सद्भाव र्‍याली भएको छ । खोटाङ उद्योग वाणिज्य संघ, दिक्तेलबजार सामाजिक गुठी, सितोरियो कराते संघ खोटाङ, सरस्वती उच्च मावि, दिक्तेल इङ्लिस बोर्डिङ स्कुल, माउण्ट एभरेष्ट बोर्डिङ स्कुल लगायतको सहभागीता जनाएको छ । दिक्तेल नगरपालिकास्थित हाटडाँडादेखि सुरु भएको सद्भाव र्‍याली बजार परिक्रमा गर्दै रत्नपार्क हुदै सरस्वती उच्च माविमा पुगेर समापन भएको छ ।