सप्तरी सदरमुकाम राजविराज ५ स्थित नेपाली कांग्रेसका सांसद् सुरेन्द्रप्रसाद यादवको घरमा आज बिहान ग्यास सिलिण्डर बम फेला परेको छ । सानो ग्यासको सिलिण्डरलाई बममा रुपान्तर गरि उनको घर पछाडि राखिएको बमलाई सेनाको टोलीले निस्क्रिय पारेको छ । राजविराजस्थित नेपाली सेनाको श्रीकृष्ण दल गणको टोलीले करिब दुई घण्टा बमलाई निस्क्रिय पारेको हो । बम कसले राखेको भन्ने बारे अहिलेसम्म कसैले जिम्मा लिएको छैन । बमसँगै तराई मुक्ति मोर्चाका संयोजक जयकृष्ण गोईतको तस्विर छापिएका केही थान पुस्तकहरुसमेत फेला परेका छन् । प्रहरीले बम राख्ने ब्यक्ति वा समूहको खोजी भईरहेको जानकारी बताएको छ ।