स्कर्टिङ गरेर लैजादै गरिएका दर्जनौं सवारीसाधनमा सप्तरीका विभिन्न स्थानमा तोडफोड गरिएको छ । जिल्लाका भारदह, रुपनी, बैर, बरमझिया लगायतका स्थानमा लुकेर बसेका प्रदर्शनकारीहरुले सवारीसाधनमा ढुंगामुढा गरेका हुन् । भारदह तथा रुपनीमा थुप्रै सवारीसाधनमा क्षति पुगेको छ । प्रशासनले राजमार्ग क्षेत्रलाई दंगाग्रस्त क्षेत्र घोषणा गरेपनि दिनहु स्कर्टिङ गरिएका सवारीसाधनमाथि ढुंगामुडा हुँदै आएको छ । दसैंभरि खुकुलो भएको बन्दलाई आजदेखि कडा पारिएपछि दसैं मान्न हिँडेका यात्रुहरु समस्यामा परेका छन् ।