संयुक्त लोकतान्त्रिक मधेशी मोर्चाका कार्यकर्ताहरुले कपिलवस्तुमा फलफुल बोकेको दुई वटा भ्यान जलाएका छन् । तौलिहवा जितपुर सडक खण्डको जहदीमा लु १ च ६०८९ र ग १ च ९५७० नम्बरको पिक अप भ्यानमा आगो लगाएको प्रहरीले जनाएको छ । बन्दको अवज्ञा गरेको भन्दै बुटवलबाट स्याउ बोकेर आउँदै गरेको भ्यान मोर्चाका कार्यकर्ताले जलाएका हुन् । यस्तै, सदरमुकाम तौलिहवास्थित जिल्ला प्रशासन कार्यालय अगाडी मोर्चा कार्यकर्ताले बा १ ब ८६६७ नम्बरको सरकारी मोटरसाईकल जलाएका छन् ।