पूर्व–पश्चिम राजमार्ग अन्तर्गत मिथिला नगरपालिकाको ढल्केवरमा बुधबार राति मधेसी मोर्चाका कार्यकर्ताले एउटा ट्रकमा आगजनी गरेका छन् । पूर्वबाट पश्चिमका लागि छुटेको ना ५ ख ९०२५ नम्बरको ट्रकमा मोर्चाका कार्यकर्ताले आगजनी गरेको प्रहरीले जनाएको छ । पाइपको सरसमान लोड भएको ट्रकमा संयुक्त लोकतान्त्रिक मधेशी मोर्चाका कार्यकर्ताले आगजनी गरेका हुन् । ट्रकमा दुई सय लिटर पेट्रोलियम पदार्थसमेत रहेको मोर्चाका कार्यकर्ताले दाबी गरेका छन् । लोड भएको लाखौंको सरसमानसहित ट्रकसमेत पूर्णरुपले जलेर नष्ट भएको प्रहरीले जनाएको छ । जलेको ट्रक अहिले इलाका प्रहरी कार्यालय ढल्केवरको निणन्त्रण छ ।