संयुक्त लोकतान्त्रिक मधेसी मोर्चाले पूर्व पश्चिम राजमार्गमा पर्ने नवलपुरमा बिहीबार जनप्रदर्शन गरेको छ । मोर्चाले हजारौंको संख्यामा मानिसहरु राजमार्गमा उतारेको छ । राजमार्ग केन्दि्रत आन्दोलन गर्ने मोर्चाको केन्द्रीत नीति अन्तर्गत बुधबार धनुषाको ढल्केवरमा र बिहीबार नवलपुरमा प्रदर्शन गरिएको छ । गतसाता फूल्जोरस्थित राजमार्गमा धर्ना बसेका मोर्चा कार्यकर्तामाथि चुरे भावर पार्टीका कार्यकर्ताले ढुंगा हानेर बिथोलेपछि मोर्चाले आजको बिरोधसभालाई शक्ति प्रदर्शनकै रुप दिएको छ । राजमार्गको एक किलोमिटर क्षेत्र मानिसहरुले खचाखच भरिएका छन् । भावरले मोर्चाको कार्यक्रम बिथोल्ने चेतावनी दिदैं आएकाले कुनै प्रकारको झडप हुन नदिन प्रशासनले उच्च सुरक्षा सतर्कता अपनाएको छ । सभालाई तराई मधेस सदभावना पार्टीका अध्यक्ष महेन्द्र राय यादव, संघीय समाजवादी फोरम नेपालका नेता मो. रिजवान अन्सारी, तमालोपा सभासद जंगीलाल राय यादव लगायतका नेताहरु सम्बोधन गरेका छन्