काठमाडौं प्रहरी परिसरले खाने तेलमा कलोबजारी गरेको भन्दै केएल दुगडका १० जना विरुद्ध अदालतमा मुददा दायर गरेको छ । म्यानेजर अमर जैन, सेल्स अफिसर प्रमोद अधिकारी, विकास दुगड, नरेश दुगड, कुमुद दुगड, चन्द्रप्रसाद कुसाहा, रामाकान्त तारिक, प्रदिपकुमार चेचाना, धर्मानन्द दुगड र गौतम दुगडविरुद्ध मुद्दा दायर गरिएको एसएसपी बिक्रम सिंह थापाले बताए । उनीहरुविरुद्ध १४ करोडको बिगो दावी ५ वर्ष जेल सजाय माग गरिएको एसएसपी थापाले जानकारी दिए । खाने तेलमा ५० करोड भन्दा बढी कालोबजारी भएको प्रहरीले दाबी गरेको छ । अधिकारी र जैन अहिले प्रहरी हिरासतमा छन् ।