रौतहटको सदरमुकाम गौरमा भदौ २७ मा सुरक्षाकर्मीको गोली लागी घाइते भएका एक प्रदर्शनकारीको उपचारको क्रममा आइतवार मृत्यु भएको छ । वीरगञ्जको नारायणी उपक्षेत्रीय अस्पतालमा उपचार गराइरहेका अकोलवा गाविस–७ का ५० वर्षीय शेष मैरुद्दिन को मृत्यु भएको हो । प्रशासनले लगाएको निषेधित क्षेत्रमा प्रर्दशन गर्न खोज्दा भएको झडपमा मैरुद्दिनलाई तिघ्राको माथिल्लो भागमा गोली लागेको थियो । करिब चार महिनादेखि उपचाररत उनको आइतबार दिउँसो मृत्यु भएको नारायणी उपक्षेत्रीय अस्पताल वीरगञ्जले जनाएको छ । आर्थिक अभावका कारण उपचार राम्रो नपाउँदा उनको ज्यान गएको परिवारको भनाइ छ ।