आन्दोलनरत मधेसी मोर्चा सप्तरीले आज साँझ सप्तरी सदरमुकाम राजविराजमा मशाल जुलुस प्रदर्शन गरेको छ । राजविराजस्थित शिव मन्दिर प्राङ्गणबाट निस्किेको मशाल जुलुस नगरको विभिन्न भागको परिक्रमापश्ताच जनआन्दोलन चोकमा पुगेर विरोध सभामा परिणत भएको थियो । यसैबीच आन्दोलनरत संयुक्त लोकतान्त्रिक मधेसी मोर्चा आबद्ध सद्भावना पार्टी सप्तरीले आज राजविराजस्थित गजेन्द्र चोकमा हस्ताक्षर संकलन गरेको छ । पाँच महिना बढीसम्म आन्दोलन जारी रहेको अवस्थामा पनि सरकारले नसुनेको भन्दै नगर क्षेत्रमा आएका सर्वसाधारणबाट उक्त पार्टीले हस्ताक्षर संकलन गरेको हो ।