संयुक्त लोकतान्त्रिक मधेशी मोर्चाका कार्यकर्ताले बन्दको अवज्ञा गरेको भन्दै ट्रक र ट्रयाकटरमा माघ ४ गते बेलुका तोडफोड गरेका छन् । मोर्चाका कार्यकर्ताले लहान नगरपालिका- ७ स्थित लहान नगरपालिका नजिक ना ५ ख ३१७३ नम्बरको ट्रक र स १ त ३३५६ नम्बरको ट्रयाकटर तोडफोड गरेका हुन् । ट्रकको अगाडिको सिसा तथा ट्रयाकटरको हेड लाइट फुटेको छ । मोर्चा लहानका नेता रामचलितर महतोले बन्दको अवज्ञा गरेकाले कार्यकर्ताले ढुङ्गामुढा गरेको बताए । इलाका प्रहरी कार्यालय लहानका डिएसपी उमाप्रसाद चतुर्वेदीका अनुसार घटनाको जानकारी हुना साथ प्रहरी परिचालन गरी थप क्षती हुनबाट जोगिएको बताए ।