मोरङको रंगेलीमा गएको बिहीबार भएको घटनाको विरोधमा लिम्बुवान संघर्ष समितिले पूर्वका नौ जिल्ला बन्द गराएको छ । समितिले गराएको बन्दका कारण पूर्वका नौ जिल्लामा यातायात ठप्प भएको छ । पूर्वका ताप्लेजुङ, पाँचथर, ईलाम, झापा, संखुवासभा, तेह्रथुम, धनकुटा, सुनसरी र मोरङमा गाडी नचल्दा यात्रु अलपत्र परेका छन् । बन्दका कारण त्यस क्षेत्रका विद्यालय र बजार पसल पनि खुलेका छैनन् । लिम्बुवानले रंगेलीमा प्रहरीको गोली लागेर तीनजनाको ज्यान गएको बिरोधमा बन्द गराएको हो । गएको बिहीबार प्रहरीको गोली लागेका बरडंगा–२ का ४० वर्षका महादेश ऋषीदेव, मोरङको डाइनियाका शिबु माझी र बरडंगा–३ की ६५ वर्षकी द्रौपदी चौधरीको ज्यान गएको थियो ।