प्रहरीले मातृका यादव नेतृत्वका नेकपा माओवादीका बारा जिल्ला संयोजक उमेश भनिने चन्द्रकान्त यादवलाई अपहरण र आगजनी आरोपमा माघ २७ गते गिरफ्तार गरेको छ । कलैया नपा-३ भवानीपुर निवासी ३७ वर्षीय यादवलाई उनको आफ्नै घरबाटै गिरफ्तार गरी थप अनुसन्धानको लागि हिरासतमा राखिएको प्रहरी नायब उपरीक्षक बिनोद शर्माले बताए । कलैयाको एक व्यापारीको अपहरण र मधेसी मोर्चाको आन्दोलनको क्रममा रिलायन्स चिनी कारखानाबाट चिनी बोकेर जाँदै गरेको तीन वटा ट्रकमा आगजनी गरेको घटनामा संलग्न रहेको आरोपमा उनलाई गिरफ्तार गरिएको उनले बताए ।