ठूलोगाउँ गाविस-७ का वेदनिधि अधिकारीलाई फागुन ३ गते जिल्ला प्रहरी कार्यालय रसुवाका प्रहरीले कुटपिट गरी मानसिक तथा शारीरिक यातना दिएको पीडितले बताएका छन् । स्थानीय ठूलोगाउँ गाविस-६ की सोनाम तामाङले ०७२ माघ २९ गते अधिकारीले आफूसँग लिएको तीन लाख रुपियाँ फिर्ता नगरेको भन्दै डाडागाउँ प्रहरी चौकीमा जाहेरी दिएपछि प्रहरीले उनलाई फागुन १ गते गिरफ्तार गरी जिल्ला प्रहरी कार्यालय धुन्चे पठाएको थियो । तीनजना प्रहरी जवानले कुटपिट गरी ढाडको हड्डी भाँचिएको तथा नीलडाम भएको पीडितले बताए । जिल्ला प्रहरी कार्यालयका डिएसपी अवदेश बिष्टले भने आफू नभएको समयमा घटना भएको बताए । घाइतेको उपचार र घटनाका बारेमा छानबिन समिति गठन गरी कारबाही प्रकृया अगाडि बढाउने उनले बताए । हेमनाथ खतिवडा