चन्दननाथ नपा-९ मिचागाउँको खलाचौरस्थित शिवमन्दिर नजिक बेवारिसे अवस्थामा भेटिएको सकेट बम नेपाली सेनाको टोलीले फागुन २४ गते निष्कृय बनाएको छ । स्थानीयबासीले बम देखेपछि जिल्ला प्रहरी कार्यालयमा जानकारी गराएका थिए । प्रहरीमा खबर प्राप्त भएपछि भगवती दल गण जुम्लाका सह सेनानी सिजन थापाको नेतृत्वमा गएको सात जनाको टोलीले बम निष्कृय बनाएको जिल्ला प्रहरी कार्यालय जुम्लाका इन्स्पेक्टर दिलबहादुर थापाले जानकारी दिए । भेटिएको बम सशस्त्र द्वन्द्वको समयमा छुटेको हुन सक्ने प्रहरीले अनुमान गरेको छ । मानदत्त रावल