कुमालगाउ गाविस -१ मा फैलिएको झाडापखालाका कारण दुई वालकको फागुन २४ गते मृत्यु भएको छ । मृत्यु हुनेमा ९ वर्षीय दीपेन्द्र बिक र ११ वर्षीय निराजन बिक रहेको स्वास्थ्य व्यवस्थापन समितिका अध्यक्ष लालबहादुर बुढाले बताए । प्रथामिक स्वास्थ्य केन्द्रमा डाक्टरको दरबन्दी भए पनि डाक्टर जिल्ला सदरमुकाममा बसेका कारण उपचार नपाएर बालकको मृत्यु भएको आफन्त अर्जुन बिकले बताए । दुई जनाको मृत्यु भएपछि र अन्य बिरामी बढ्दै गएपछि प्रथामिक स्वास्थ्य केन्द्रका इन्चार्जको टोली जिल्ला अस्पतालबाट औषधी बोकेर आउँदै गरेको अहेब समर सहकारीले बताएका छन् । कालीबहादुर मल्ल