अखिल क्रान्तिकारीले कैलालीस्थित अत्तरिया नगरपालिकामा तालाबन्दी गरेको छ । राजनीतिक पहुँचको आधारमा आफू खुशी नगरपालिकामा कर्मचारी नियुक्त गरेको भन्दै आज अखिल क्रान्तिकारीले सो तालाबन्दी गरेको हो । प्रतिष्पर्धाद्धारा कर्मचारी भर्ना गर्नुपर्नेमा आफू खुशी कर्मचारी भर्ना गरेको भन्दै तत्काल भर्ना गरेका कर्मचारीलाई हटाउन माग गरिएको अखिल क्रान्तिकारीका जिल्ला उपाध्यक्ष मदन कठायतले बताए । अबैधानिक तथा नियम विपरीत कर्मचारी भर्नालाई खारेज नगरिएसम्म नगरपालिकामा लगाइएको तालाबन्दी जारी रहने क्रान्तिकारीका जिल्ला उपाध्यक्ष कठायतले बताए ।