२५ वर्षीया एक महिलालाई बलात्कार गरेको आरोपमा इलाम शान्तिडाँडा-५ का २५ वर्षीय सुमन राईलाई प्रहरीले वैशाख २३ गते गिरफ्तार गरेको छ । वैशाख १६ गते बलात्कार गरेको आरोपमा पीडित महिलाले वैशाख १७ गते प्रहरीमा उजुरी दिएपछि उजुरीका आधारमा आरोपितलाई गिरफ्तार गरिएको जिल्ला प्रहरी कार्यालयका इन्स्पेक्टर रूद्र चुडालले जानकारी दिए । पीडित महिलाको स्वास्थ्य परीक्षण वैशाख १७ गते जिल्ला अस्पतालमा गरिएको पनि प्रहरीले जनाएको छ ।