२४ वर्षीया महिलालाई बलात्कारको प्रयास गरेको आरोपमा लहान नपा-१३ का ३९ वर्षीय रामदयाल साहविरुद्ध इलाका प्रहरी कार्यालय लहानमा जेठ ११ गते पीडितले उजुरी दिएकी छन । जेठ १० गते आफूमाथि बलात्कारको प्रयास भएको भन्दै प्रहरीमा उजुरी आएको इलाका प्रहरी कार्यालय लहानका डिएसपी राजकुमार केसीले बताए । केसीका अनुसार आरोपित फरार रहेकाले खोजी कार्य भइरहेको छ । पीडितको स्वास्थ्य परीक्षण लहान स्थित रामकुमार उमा प्रसाद अस्पतालमा जेठ ११ गते भएको छ ।