३५ वर्षीया एक महिलालाई ६ जनाको समूहले जेठ ९ गते बलात्कार गरेको आरोपमा प्रहरीले जनकपुर उमनपा-२४ का १९ वर्षीय आकाश सहनी, सोही उमनपा-२३ का २० वर्षीय अमर साह, १८ वर्षीय फिरोज राइन र महोत्तरी गौशला नपा-७ का राजेश साहलार्इ गिरफ्तार गरेको छ । पीडित महिलामाथि सामूहिक बलात्कार भइरहेको देखेपछि स्थानीय बासिन्दाले प्रहरीलाई खबर गरेका थिए । प्रहरीले घटनामा संलग्नहरूको खोजी कार्य गरी चार जनालाई गिरफ्तार गरेको छ भने अझै दुई जना फरार रहेको जिल्ला प्रहरी कार्यालयले जनायो । पीडित पक्षले जेठ १० गते प्रहरीमा उजुरी दिएको जिल्ला प्रहरी कार्यालयका डिएसपी नकुल पोखरेलले बताए । पीडित महिलाको स्वास्थ्य परीक्षण जेठ ९ गते जनकपुर अञ्चल अस्पतालमा गरिएको प्रहरीले जनाएको छ ।