१५ वर्षीया र १४ वर्षीया दुईजना बालिकालाई यौन दुर्व्यवहार गरेको आरोपमा पोखरा उमनपा-६ बैदामका ४५ वर्षीय दामोदर गिरीलाई जेठ १८ गते प्रहरीले गिरफ्तार गरेको छ । ती दुवै जना बालिकालाई जेठ १७ गते विभिन्न स्थानमा घुमाइदिने भन्दै आरोपितले आफ्नो कारमा लगेर पोखरा उमनपा-९ न्यूरोडस्थित एक घरको कोठमा पुर्‍याएर यौन दुर्व्यवहार गरेको भन्दै पीडित पक्षले जेठ १८ गते प्रहरीमा उजुरी दिएका थिए । आरोपितलाई उजुरीका आधारमा प्रहरीले गिरफ्तार गरी अनुसन्धान अगाडि बढाएको जनाएको छ । दुवै जना बालिकाको स्वास्थ्य परीक्षण जेठ १८ गते पश्चिमाञ्चल क्षेत्रीय अस्पताल पोखरामा गरिएको प्रहरीले जनायो ।