३२ वर्षीया एक महिलालाई बलात्कार गरेको ठहर गर्दै जिल्ला अदालत पाल्पाले असार ८ गते कुसुमखोला गाविस-८ का २१ वर्षीय गणेश थापालाई पाँच वर्षकैद सजायको फैसला गरेको छ । जिल्ला न्यायाधीश डिल्लीरमण तिवारीको इजलासले उक्त फैसला सुनाएको हो । पीडित महिलालाई ०७२ मङ्सिर ११ गते बलात्कार गरेको भन्दै पीडित परिवारले मङ्सिर १५ गते जिल्ला प्रहरी कार्यालयमा उजुरी दिएका थिए । उजुरीका आधारमा मङ्सिर १६ गते थापालाई गिरफ्तार गरी अनुसन्धान गरिएको प्रहरीले जनाएको छ ।