Durga Pariyar ३९ वर्षीया महिलालाई बलात्कार गरेको ठहर गर्दै जिल्ला अदालत सिरहाले लहान नपा-२१ का ४० वर्षीय बुधुवा सदालाई असार २१ गते पाँच वर्षकैद तथा ३० हजार रुपियाँ जरिबानाको फैसला गरेको छ । न्यायाधीश राजेन्द्र अधिकारीको इजलासले सो फैसला गरेको सरकारी वकिल मनोज आचार्यले जानकारी दिए । सदाले ०७० वैशाख १५ गते पीडित महिलालाई बलात्कार गरेको आरोपमा पीडितले ०७० वैशाख १६ गते इलाका प्रहरी कार्यालय लहानमा उजुरी दिएकी थिइन् । पीडितको स्वास्थ्य परीक्षण जिल्ला अस्पतालमा वैशाख १६ गते गरिएको थियो । इलाका प्रहरी कार्यालय लहानले घटनापछि फरार रहेका सदालाई ०७३ जेठ २७ गते गिरफ्तार गरेको थियो । जिल्ला अदालतले सदालाई जेठ २८ गते पूर्पक्षका लागि थुनामा राख्ने आदेश दिएको थियो ।