१७ वर्षीया बालिकालाई बलात्कार गरेको आरोपमा चिसापानी-१ का ५९ वर्षीय भीम कटुवाललाई इलाका प्रहरी कार्यालय चिसापानीले असार २३ गते गिरफ्तार गरी असार २४ गते जिल्ला प्रहरी कार्यालय दिक्तेलमा मुद्दा दर्ता गरिएको छ । आरोपितले गत जेठ २५ गते बलात्कार गरेको र बलात्कार गरेको घटना प्रहरी र आफन्तलाई भनेमा ज्यान मार्ने धम्की दिएका कारण पीडित पक्षले उजुरीसमेत ढिला दिएको थियो । पीडितले इलाका प्रहरी कार्यालय चिसापानीमा असार २२ गते दिएको उजुरीका आधारमा आरोपितलाई चिसापानी प्रहरीले असार २३ गिरफ्तार गरेको प्रहरीले जनाएको छ । पीडितको उजुरीका आधारमा आवश्यक अनुसन्धान गरी कानुनी प्रक्रिया अगाडि बढाउने जिल्ला प्रहरी कार्यालयका डिएसपी विद्यानन्द माझीले बताए । पीडित बालिकाको स्वास्थ्य परीक्षण असार २२ गते इलाका स्वास्थ्य केन्द्र चिसापानीमा गरिएको प्रहरीले जनाएको छ ।