१८ वर्षीया युवतीलाई बलात्कार गरेको आरोपमा कमलामाई नपा-११ का २१ वर्षीय सुशान्त तामाङ र पीडित युवतीलाई बलात्कार प्रयास गरेको आरोपमा भारत दार्जिलिङ घर भई हाल कमलामाई नपा-४ मा बस्दै आएका ३९ वर्षीय महेन्द्र गुरुङलाई प्रहरीले साउन ५ गते गिरफ्तार गरेको छ । प्रहरीका अनुसार युवतीलाई साउन ४ गते दिउँसो आरोपित गुरुङले बलात्कार प्रयास गरेका थिए भने त्यस लगतै आधा घण्टाको फरकमा तामाङले ती युवतीलाई बलात्कार गरेको जिल्ला प्रहरी कार्यालयका सूचना अधिकृत तथा डीएसपी श्यामकुमार सारुमगरले बताए । उनका अनुसार पीडित युवतीको स्वास्थ्य परीक्षण साउन ४ गतै नै जिल्ला अस्पताल सिन्धुलीमा गरिएको छ ।