१३ वर्षीया एक बालिकालाई बलात्कार गरेको आरोपमा प्रहरीले सोयाक गाविस-१ का २० वर्षीय प्रेम राईलाई साउन १३ गते गिरफ्तार गरेको छ । पीडित बालिकालाई असार ३० गते बलात्कार गरेको आरोपमा पीडितका अभिभावकले साउन ४ गते प्रहरीमा उजुरी दिएपछि अनुसन्धानका लागि आरोपितलाई गिरफ्तार गरिएको प्रहरीले जनाएको छ । घटना लगतै फरार रहेका राईलाई साउन १३ गते झापाबाट गिरफ्तार गरिएको जिल्ला प्रहरी कार्यालयका इन्स्पेक्टर रुद्र चूडालले जानकारी दिए । पीडित बालिकाको स्वास्थ्य परीक्षण साउन ३ गते जिल्ला अस्पतालमा गरिएको प्रहरीले जनाएको छ ।