सप्तकोशी नपा-७ घर भई सप्तकोशी नपा-२ स्थित माइतीघरमा विस्थापित २७ वर्षीया आकाशकुमारी चौधरीले ३० वर्षीय पति बालकृष्ण चौधरी र बालकृष्णकी कान्छी पत्नी प्रितमकुमारी चौधरीविरूद्ध जिल्ला प्रहरी कार्यालयमा ०७३ साउन १९ गते उजुरी दिएकी छन् । पिप्रा पूर्व गाविस-२ की प्रतिमा र बालकृष्णबीच गत जेठ ८ गते जिल्ला अदालतबाट नाताकायम भई दोस्रो विवाह भएको भन्दै पीडितले दिएको उजुरी दर्ता गरिएको जिल्ला प्रहरी कार्यालयका इन्स्पेक्टर सुरज खड्काले जानकारी दिए । नाताकायम गरेको विषयमा बुझन र आफ्नो पीडा सुनाउन असार २४ गते घर जाँदा आरोपितहरूले बहुविवाह गरेको स्पष्ट भएपछि जिल्ला प्रहरी कार्यालयमा उजुरी दिएको पीडितले बताइन् । मादक पदार्थ सेवन गरी दाइजो माग गर्दै गालीगलौज र कुटपिट गरी आरोपितले जेठ १९ गते घरनिकाला गरेदेखि पीडित सप्तकोशी नपा-२ स्थित माइतीघरमा विस्थापित छिन् ।