तेह्रथुममा खेताला हिँडेकी एक महिला मृत अवस्थामा फेला परेकी छन् । लालीगुराँस नगरपालिका–६ कि सीता याख्खा बुधबार बेलुका घरनजिकै मृत अवस्थामा भेटिएकी हुन् । बिहान घरबाट खेताला जान्छु भनेर निस्किएकी सीता बेलुका घर नजिकैको नेवारोको रुखमुनि मृत भेटिएको इलाका प्रहरी कार्यालय बसन्तपुरका प्रहरी नायब निरीक्षक मोहन खतिवडाले जानकारी दिनुभयो । घटनाबारे थप अनुसन्धान गर्न शुक्रबारे प्रहरी चौकीबाट असई पर्शुराम गिरीको नेतृत्वमा प्रहरी टोली परिचालन भएको छ ।