तीन जना सात वर्षीया बालिकालाई असार ३० गते बलात्कार गरेको आरोपमा महादेवस्थान गाविस-१ का १९ वर्षीय विनोद सापकोटालाई साउन २१ गते प्रहरीले गिरफ्तार गरेको छ । आरोपितका परिवारले मार्ने धम्की दिएको पीडित बालिकाहरूका अभिभावकले आरोप लगाएका छन् । पीडत बालिकाहरूलाई साउन २३ गते स्वास्थ्य परीक्षणका लागि काठमाडौँको थापाथलीस्थित प्रसुती गृहमा पठाइएको प्रहरीले जनाएको छ । उक्त मुद्दा दर्ता गर्नका लागि इन्सेक प्रतिनिधि, सेलर्ड, साथी, ल्याक र पिपिआर संस्थाका प्रतिनिधि लगायत पत्रकार र कानुन व्यवसायीहरू जिल्ला प्रहरी कार्यालय पुगेका थिए ।