कालोबजारी गरी बढी मूल्य लिएर पेट्रोलियम पदार्थ बिक्री वितरण गरेको आरोपमा स्थानीय व्यपारी रञ्‍जित दासलाई प्रहरीले पक्राउ गरेको छ। बोरिया गाविस-७ घर भई हाल राजविराज-६ निवासी ३० वर्षीय दासले आफ्नै धान गोदाममा लुकैरखेको करिब २३ लिटर पेट्रोल ग्राहकसँग बढी मूल्य लिएर बिक्री वितरण गरेको पाइएपछि पक्राउ गरिएको प्रहरी नायब उपरीक्षक दानबहादुर कार्कीले बताए। अभियुक्त दासलाई कालोबजारी ऐन अन्तर्गत कारबाही गरिने जनाइएको छ।