१९ वर्षीय महिलालाई सामूहिक बलात्कार गरेको आरोपमा अमुवा गाविस-५ का २० वर्षीय शिवकुमार मल्लाहलाई प्रहरीले २८ गते घरैबाट गिरफ्तार गरेको छ । पीडित महिलालाई आरोपित शिवकुमार सहित अन्य तीनजना समेतले कात्तिक २७ गते बलात्कार गरेको आरोपमा पीडित पक्षले इलाका प्रहरी कार्यलय बुटवलमा कात्तिक २८ गते उजुरी दिएको थियो । उजुरीका आधारमा आरोपितलाई अनुसन्धानका लागि गिरफ्तार गरिएको इलाका प्रहरी कार्यालय बुटवलका डिएसपी मुकुन्द मरासिनीले जानकारी दिए । अन्य आरोपितको खोजी भइरहेकोसमेत उनले बताए । पीडित महिलाको स्वास्थ परीक्षण लुम्बिनी अञ्चल अस्पताल बुटवलमा कात्तिक २८ गते गरिएको पनि डिएसपी मरासिनीले जानकारी दिए ।