बोक्सीको आरोपमा मलमुत्र खुवाएर कुटपिटपछि मृत्यु भएकी काभ्रे सानो वाङथली–७ की लक्ष्मी परियारको मृत्यृ प्रकरणमा दोषीलाई कारबाहीको माग गर्दै काठमाडौंमा पनि प्रदर्शन भएकाे छ । बुधबार विहान संयुक्त विद्यार्थी संगठनकाे छात्रा मञ्चले घटनाको दोषिलाई कारबाहिको माग गर्दै पद्मकन्या क्याम्पसबाट र्‍याली निकालेर अान्दाेलन गरे । पद्मकन्या क्याम्पसबाट निकालिएको र्‍याली रत्नपार्क पुगेर कोणसभामा परिणत भएको छ । त्यसैगरी, घटनाको विरोधमा मंगलबार बेलुका पनि काठमाडौंको माइतीघर मण्डलामा युथ एड्भोकेसी नेपालले मृत्यु प्रकरणमा संलग्नलाई तत्काल कारबाहीको माग गर्दै प्रदर्शन गरेको थियो ।