सरकारले संसदमा दर्ता गरेको संविधान संशोधन प्रस्तावको विरोधमा एमाले निकट अखिल नेपाल राष्ट्रिय स्वतन्त्र विद्यार्थी युनियन (अनेरास्वयु) मकवान्पुर जिल्ला कमिटिले हेटौंडामा मसाल जुलुस प्रदर्शन गरेको छ । संशोधनको विरोधमा नेकपा एमालेको पार्टी कार्यालय पुष्पलाल पार्कबाट सुरु भएको मसाल जुलुस कान्तिराजपथ हुँदै बुद्धचोक पुगी कोणसभामा पारीणत भएको थियो । अनेरास्वीयु मकवानपुरका अध्यक्ष एवम् केन्द्रिय सदस्य सन्तोष पौडेलले देशलाई टुक्र्याउन खोज्ने प्रचन्ड सरकारको रजिनामा समेत माग गरेका छन् ।