१३ वर्षीया बालिकालाई यौन दुर्व्यवहार गरेको कसुरमा कटैया गाविस-८ का २० वर्षीय दिपेन भनिने पुलकित इशरलाई जिल्ला अदालतले पुस १९ गते तीन वर्षकैद सजायको फैसला सुनाएको छ । न्यायाधीश शङ्करबहादुर राईको इजलासले आरोपितलाई तीन वर्षकैद सजायको फैसला सुनाएको अदालतका स्रेस्तेदार नरेन्द्रकुमार श्रेष्ठले जानकारी दिए । पीडित बालिकालाई आरोपितले ०७२ फागुन ८ गते आरोपितले यौन दुर्व्यवहार गरेको आरोपमा उनका अभिभावकले फागुन १६ गते प्रहरीमा उजुरी गरेका थिए । जिल्ला प्रहरी कार्यालयले आरोपितविरुद्ध ०७२ फागुन २८ गते ‘जबरजस्ती करणी उद्योग’ शीर्षकमा मुद्दा दर्ता गरेको थियो । जिल्ला अदालतका स्रेस्तेदार नरेन्द्र कुमार श्रेष्ठले आरोपितका नाममा ०७२ चैत १७ गते वारेण्टसहितको म्यादी पुर्जी जारी गरेका थिए । आरोपित हालसम्म गिरफ्तार भएका छैनन् ।