स्थानीय युवाहरुले जनकपुरस्थित राष्टिय मानव अधिकार आयोग क्षेत्रिय कार्यालय घेराउ गरेका छन् । सप्तरीको राजविराजमा भएको झडपमा तीन जनाको मृत्यु भएको घटनाबारे छानबिन गर्न माग गर्दै उनीहरले मानवअधिकार कार्यालय घेराउ गरेका हुन् । उनीहरुले सप्तरीका एसपी दिवस लोहनीलाई कारवाही गरिनुपर्ने मागसमेत गरेका छन् । साथै सरकार र मानव अधिकार आयोग विरुद्ध नारावाजी गरेका छन् । युवा सुशिल कर्णले आयोगले आफ् नो निष्पक्षता गुमाएको र एमालेको भातृ संस्था झैँ कार्य गरेको कारणले घेराउ गरिएको दावी गर्नुभयो । सप्तरीमा मानव अधिकारको उल्लंघन हुँदा समेत आयोग चुप बस्नु गलत भएको बताउनुभयो । उनीहरुले आयेगको विरुद्धमा समेत नाराबाजी गरेका छन् । आयोगका प्रवक्ताले विज्ञिप्ती जारी गरेर मोर्चालाई कार्यक्रममा अवरोध नपुर्याउन भनेपनि एमालेलाई उत्तेजक नबन्न नभनेको कारणले गर्दा युवाहरु आयोग प्रति आक्रोसित बनेका छन् । उनीहरुले आयोगालाई निष्पक्ष भएर काम गर्न समेत आग्रह गरेको छ ।