संयुक्त लोकतान्त्रिक मधेसी मोर्चाको आयोजनामा आज वीरगंजमा विरोध प्रदर्शन भएको छ । घण्टाघरबाट निस्केको जुलुस नगर परिक्रमा गरी घण्टाघरमा पुगी सम्पन्न भयो । जनसङ्ख्याको आधारमा समान सहभागिता, समावेशिता, स्वायत्त मधेस, न्यायपालिका तथा अन्य निकायमा समान सहभागिताको माग गर्दै मधेसी मोर्चाले आज वीरगंजमा प्रदर्शन गरेको हो । मोर्चाको केन्द्रीय निर्णय अनुसार देशका विभिन्न जिल्लामा प्रदर्शन भएको र सोही क्रममा आज पर्सामा पनि विरोध प्रदर्शन गरिएको सद्भावना पार्टीका केन्द्रीय सदस्य निजामुद्दिन समानीले बताए ।