विभिन्न ६ बुँदे माग लिएर आन्दोलित भएका स्थानीय निकायका कर्मचारीहरुले बुधबार पनि जिल्ला विकास समिति धनुषामा धर्ना बसेका छन् । गएको माघ २३ गतेदेखि चरणबद्ध रुपमा आन्दोलित भएका स्थानीय निकायका कर्मचारीहरुले सोमबारदेखि अनिश्चितकालको लागि स्थानीय निकायको कामकाज ठप्प पारेका छन् । कर्मचारीहरुले जिल्ला विकास समितिको मुलगेटमा ताल्चा लगाएर धर्ना बसेका छन् । स्थानीय निकाय संयुक्त टेड युनियन आन्दोलन परिचालन जिल्ला समन्वय समिति धनुषाको अगुवाईमा कर्मचारीहरुले बुधबार मुलगेटमा बसेर आफ्नो माग सम्बोधन गराउन नाराबाजी समेत गरेका थिए । विभिन्न मागहरु राखेर कर्मचारीहरुले नगरपालिका, उपमहानगरपालिका र जिल्ला समिति कार्यालयमा धर्ना दिँदै आएको छ ।