सुनवल नपा-११ की ४८ वर्षीया देउमाया बिक चैत १ गतेदेखि हराइरहेकोमा उनको शव हत्या गरिएको अवस्थामा सोही वडाको जर्घास्थित जङ्गलमा चैत ४ गते फेला परेको छ । शरीरमा विभिन्न खालका चोटहरू रहेको र स्याउलाले पुरेको अवस्थामा मृतकको शव फेला परेको जिल्ला प्रहरी कार्यालयका सई टिकाराम पोख्रेलले जानकारी दिए । उनको हत्या कसले र किन गरेको हो भन्ने कुरा खुल्न नसकेको सो घटनाको अनुसन्धान जारी गरेको सई पोख्रेलले बताए । शवको पोष्टमार्टम चैत ४ गते नै पृथ्वीचन्द्र अस्पतालमा गरिएको जिल्ला प्रहरी कार्यलय नवलपरासीले जनाएको छ ।