आधुनिक जनकपुरको निर्माणसहित विभिन्न सात बुँदे माग प्रति कुनै किसिमको सुनुवाई नभएको भन्दै स्थानीय युवाहरुले उपप्रधान तथा गृहमन्त्री विमलेन्द निधिको पुत्ला दहन गरेका छन् । अनसनमा बसेकाहरुको मागप्रति सरकारले वेवास्ता देखाएको भन्दै स्थानीय युवाहरुको अग्रसरतामा जनकपुरमा विरोध जुलुस प्रदर्शन गरिएको थियो । जनक चौकबाट निकालिएको विरोध जुलुस नगरको विभिन्न भागको परिक्रमा गर्दै जनक चौकमा सम्पन्न भएको थियो । जनकचौकमा जुलुस पुगेपछि युवाहरुले नीधिको पुत्ला बनाएर दहन गरेका थिए ।