सर्लाही स्थित गाविस पडरियालाई कविलासी गाउँपालिकामा समावेश गरेको भन्दै पडरियावासीहरुले सदरमुकाम मलंगवामा विरोध र्याली निकालेका हुन् । गाविस पडरियालाई चक्रघट्टा गाउँपालिकामा समावेश गर्नुपर्ने माग राख्दै विभिन्न नाराका साथ पडरियावासीले विरोध र्याली निकालेका हुन् । पडरियादेखि कविलासी ८ किलो मिटरको दुरीमा रहेकाले पडरियालाई चक्रघट्टा गाउँपालिकामा समावेश गर्न माग गरिएको विरोध र्यालीमा सहभागी एकजनाले लोकतन्त्रलाई बताए । विरोध र्यालीमा पडरियाका विभिन्न राजनैतिक दल जस्तै नयाँ शक्ति नेपाल, नेपाली काँग्रेस, नेकपा एमाले , तमलोपा फोरम, सद्भावना, फोरम लोकतान्त्रिक, माओवादी केन्द तथा नागरिक समाज पडरियाले समर्थन गरेका जनाइएको छ ।