पूर्वी धनुषामा हालै संचालनमा आएको नगरपालिका र गाउँपालिका कार्यालयमा तालाबन्दी गरेर मोर्चाका कार्यकर्ताहरुले बोर्ड तोडफोड गरेका छन् । संघीय समाजवादी फोरम नेपालका केन्दिय सदस्य अरुण सिंह मण्डलको नेतृत्वमा मंगलबार दिउँसो गएका मोर्चाका कार्यकर्ताहरुले यदुकोहास्थित शहिद नगरपालिका, जनक नन्दनी गाउँपालिका र कमला रिद्धिसिद्धि गाउँपालिकाको कार्यालयमा तालाबन्दी गरेर बोर्ड तोडफोड गरेका छन् । परिमार्जनसहित संविधान संशोधन प्रक्रिया अगाडी नबढाएर सरकारले स्थानीय तह पुर्नसंरचना गरेको विरोधमा मोर्चाले कार्यालयमा तालाबन्दी र बोर्ड तोडफोड गरेका छन् । यसअघि मोर्चाका कार्यकर्ताहरुले जिल्ला समन्वयन समिति , औरही गाउँपालिका लगायतको कार्यालयमा तालाबन्दी गरेर बोर्ड तोडफोड गरेको थियो ।