श्रीमानले प्रहार गरेको लाठीले लागेर खोटाङमा श्रीमतीको मृत्यु भएको छ । दिप्रुंग गाउपालिका-४ बतासेका ५७ वर्षीय कैलास राईले प्रहार गरेको लाठीले लागेर ४५ वर्षीया मैया राईको मृत्यु भएको हो । घरायसी विवादमा गत बिहिबार कुटिएकी मैयाको दोश्रो दिन बिहान मृत्यु भएको जिल्ला प्रहरी कार्यालय खोटाङका मुद्धा शाखाका प्रहरी नायब निरीक्षक मनोज यादवले बताए । कुटपिटबाट श्रीमतीको मृत्यु भएपछी कैलासलाई प्रहरीले शुक्रबार नै पक्राउ गरेको छ । कुटपिटका कारण श्रीमतीको मृत्यु भएपछी पक्राउ परेका कैलास विरुद्ध कर्तव्य ज्यान मुद्धा चलाएको प्रहरी नायब निरीक्षक यादवले जानकारी दिए ।