स्थानीय तहको पुर्नसंरचना हचुवाको भरमा गरिएको भन्दै धनुषाको रघुनाथपुर, खरिहानी, बेंगाडाबरलगायत स्थानमा आन्दोलन चर्किएको छ ।
रघुनाथपुरमा पछिल्लो १४ दिनदेखि निरन्तर विरोधका विभिन्न कार्यक्रम गर्दैै आएको रघुनाथपुर बचाउ संघर्ष समितिका संयोजक एवं माओवादी केन्दका नेता दिपनारायण दासले जानकारी दिए । गाउँमा आम हड्ताल, लाठी जुलुस, सिट्ठी जुलुस, झारु जुलुस र खबरदारी जुलुस प्रदर्शन गरिएपनि सुनुवाइ नभएपछि उनीहरुले जिविस घेराउ गर्ने निर्णयमा पुगेका छन् । नेपाली काँग्रेस, नेकपा एमाले, माओवादी केन्द, राप्रपा नेपाल, सदभावना पार्टी, संघीय समाजवादी फोरम नेपाल, रघुनाथपुर व्यापार संघ, रघुनाथपुर युवा समूह, रघुनाथपुर नागरिक समाज, स्थानीय शान्ति समिति, पेशागत समूह र वडा नागरिक मञ्चले सामुहिक रुपमा विज्ञप्ती जारी गर्दै साविकको रघुनाथपुर जिविस कार्यालयमा तालाबन्दी गरेका छन् । रघुनाथपुरलाई गाउँपालिका कायम नगरेसम्म ताला खोल्न नदिने र स्थानीय तहको हैसियतमा रघुनाथपुरबाट कुनै किसिमको प्रशासनिक कार्य गर्न नदिने उनीहरुको अडान छ ।
स्थानीय तह पुर्नसंरचनाको विरोधमा बेगाडाबर, हंसपुर कठपुत्ला, बालाबाखर र दुबर बोटबाट हेरफेरको विरोधमा निवेदन दर्ता भएको स्थानीय तह पुर्नसंरचना प्राविधिक सहयोग समिति धनुषाका फोकल पर्सन सुनिल कुमार झाले जानकारी दिए । यी बाहेक रघुनाथपुर , खरिहानीहगायत अन्य क्षेत्रमा आन्दोलन भइरहेको छ ।