अखण्ड रुपौलियाको माग गर्दै जिल्लाको रुपौलिया गाविसका बासिन्दा आन्दोलित भएका छन् । रुपौलिया गाविसलाई स्थानीय निकाय पुन: संरचना गर्दा छुट्टिए पनि सो माग गरेका हुन् । गाविसबाट सदरमुकाम आएर जिल्ला प्रशासन कार्यालय अगाडी नाराबाजी र धर्ना समेत बसेका थिए । केहि समय प्रदर्शन पछि जिल्ला विकास समिति र जिल्ला प्रशासन कार्यालयमा ज्ञापनपत्र बुझाएर जुन सुकै गाउपालिकामा राखीए पनि रुपौलिया गाविसलाई एउटैमा राख्नु पर्ने उनीहरुको माग थियो ।